المقال هذا راح نشرح لكم فيه كيف تعدلون على العنوان الوطني عن طريق توكلنا وكيف تسجلون في عنوان وطني جديد هذا بالإضافة إلى كيفية تغيير رقم الجوال المربوط بالعنوان الوطني والطريقة الصحيحة لحذف العنوان الوطني إذا احتجتوا لذلك وبعد نتكلم عن الحلول لمشاكل العنوان الوطني اللي يمكن تواجهكم وَ العنوان الوطني فكرة جات من مؤسسة البريد السعودي عشان يكون فيه عنوان موحد يغطي كل أرجاء المملكة من مدن وقرى وهجر وكذا والموضوع هذا ماهو بس كلام لأن مجلس الوزراء نفسه وافق على الفكرة بقرار رسمي رقم (252) والتاريخ كان في 1434/7/24 هـ واعتمدوا العنوان الوطني كأساس لكل ما يتعلق بالعنونة هنا بالسعودية والحين خلونا ندخل بالتفاصيل عن كيف تقدرون تعدلون العنوان الوطني عبر توكلنا بشكل مفصل وواضح.
تعديل العنوان الوطني في توكلنا (كيف تعدل عنوانك الوطني في تطبيق توكلنا)
لو كنت تبغى تشوف هويتك الوطنية داخل تطبيق توكلنا فالموضوع سهل وما يبغاله شي فَكل القصة تبدأ بخدمة العنوان الوطني اللي هي بالأساس فكرة جت من مؤسسة البريد السعودي عشان تسهل علينا الحياة وتخلي العناوين أكثر دقة وتنظيم وَالحين وَ عشان تعدل على العنوان الوطني حقك في تطبيق توكلنا تابع الخطوات اللي جاية :
- أول شي افتح تطبيق توكلنا على جوالك ومن الصفحة اللي تطلع لك أول ما تفتح اختار خيار الخدمات.
- بعدها دور على خيار العنوان الوطني واضغط عليه راح تطلع لك كل العناوين الوطنية اللي مسجلة باسمك.
- الآن اضغط على الثلاث نقاط اللي جنب العنوان اللي تبغى تعدل فيه ومن الخيارات اللي تطلع لك اختار “تعديل العنوان”.
- هنا تدخل وتعدل كل المعلومات اللي تبغى تغيرها عن منزلك من رقم البيت للشارع وكل شي.
- وبعد ما تخلص تعديل اضغط على خيار “اثبات العنوان” استعرض الإثبات اللي عدلته وإذا كل شي تمام واضغط على طباعة عشان تاخذ نسخة مطبوعة لو احتجتها.
تسجیل فی عنوان وطني (طريقة تسجيل عنوانك الوطني الجديد)
لو تبغى تسجل في العنوان الوطني عليك تتبع الخطوات هذي بالضبط :
- أول شي خش على موقع العنوان الوطني اللي تلاقيه عبر هذا الرابط “من هنا” أول ما تدخل الموقع راح تشوف قدامك ثلاث خيارات مباشرة اختار الخيار الأول اللي هو تسجيل الأفراد للمواطنين والمقيمين واضغط عليه وبعدها راح تفتح لك صفحة فيها خيارين بس اختار الأولاني اللي هو تسجيل جديد.
- الخطوة اللي بعدها تتطلب منك توافق على الشروط والأحكام وبعد ما توافق اضغط على خيار تسجيل الأفراد على طول راح تطلع لك رسالة تلقائية تسألك إذا تبغى البيانات تتعبأ تلقائي بناءً على موقعك الحالي.
- اختار تم التحقق إذا كنت بالموقع الصحيح اللي أنت فيه الحين وبعدها عبي بياناتك الشخصية زي رقم الإقامة وحدد جنسيتك لو كنت غير سعودي.
- بعد كذا املأ بيانات السكن يعني اكتب رقم الوحدة اللي هو عبارة عن رقم المبنى اللي موجود برا البيت ومن ثم اضغط على التالي وهنا بتفتح لك صفحة تسجيل الأفراد الخاصة بالمقيمين معك في نفس البيت.
- يمديك تضيف فرد جديد بالضغط على نعم، وبعدها تدخل رقم الإقامة، الاسم كامل، ورقم الجوال ومن ثم تضغط على إضافة فرد جديد.
- الخطوة اللي بعدها هي تحديد موقعك فَـ النظام راح يعطيك خيارات؛ يا تحدده يدوياً يا تلقائياً يا عن طريق الجوال بس لازم يكون عندك جوال ذكي ويكون الجوال موجود بالموقع نفسه وبعد ما تختار راح تطلع لك صفحة فيها كل المعلومات الخاصة بك وعنوانك الوطني وتقدر تطبع هذه الصفحة الحين أو وقت ما تبغى.
العنوان الوطني تغيير رقم الجوال (تبي تغير رقم جوالك في العنوان الوطني؟ هنا كيف)
عشان تغير رقم جوالك في العنوان الوطني والله ما يبيلها شي كلها كم خطوة سهلة وكلها ببلاش وعن طريق النت وهي كالتالي :
- أول شي بتروح لموقع البريد السعودي ادخل عبر هذا الرابط “من هنا” واختار تسجيل الأفراد بعدين دور على إدارة العنوان الوطني.
- الخطوة اللي بعدها تكتب رقم هويتك ورقم جوالك اللي عندك حاليًا وبعدها بتجيك رسالة على جوالك فيها كود وهذا الكود تدخله في الموقع عشان تفعل حسابك.
- بعد ما تفعل الحساب تروح لقائمة حساب العنوان الوطني الخاص بك ومن هناك تختار تحديث العنوان اللي بتلقاها في القائمة اللي على جنب.
- الحين تجيك خانة رقم الجوال وهنا تكتب رقم جوالك الجديد اللي تبغى تغير له.
- طبعًا بعد ما تحط الرقم الجديد راح تجيك رسالة ثانية على الجوال الجديد وهذي بعد فيها كود تفعيل وهذا الكود ترجع وتدخله في الخانة المخصصة له في الموقع.
- تضغط على تأكيد وكذا تكون خلصت تغيير رقم الجوال القديم لرقم جديد على العنوان الوطني.
كيف احذف العنوان الوطني (كيف تشيل عنوانك الوطني إذا ما عاد تبغاه)
لو كنت مسجل في العناوين الوطنية عند مؤسسة البريد السعودي وحاب تعدل أو تحذف أحد الأفراد اللي مضافين على نفس عنوانك فالأمر ما يحتاج منك إلا خطوات سهلة ومرتبة والجميل في السالفة أن المؤسسة ما تأخذ منك فلوس زيادة عشان تستخدم الخدمة هذي والخطوات اللي لازم تتبعها عشان تقدر تحذف العنوان الوطني أو تعدل فيه وتضيف أو تشيل أفراد منه موضحة هنا بالتفصيل :
- أول شي توجه لخدمة إدارة العنوان الوطني بضغطة زر عبر هذا الرابط “من هنا“.
- بعدها أدخل رقم هويتك ورقم الجوال اللي استخدمته يوم سجلت عنوانك الوطني.
- دوس على زر تحقق من الهوية الوطنية.
- الحين بيطلع لك الرقم الوطني الخاص فيك ومنه تقدر تعدل وتسوي اللي تبغى في بياناتك بكل يسر وسهولة سواء كنت حاب تضيف أشخاص جدد لعنوانك أو حتى تغير موقعك.
مشكلة العنوان الوطني (وش تسوي إذا واجهتك مشكلة مع العنوان الوطني)
لو عندك نية تطلع سجل تجاري وصادفتك مشكلة في تسجيل العنوان الوطني يعني تدخل العنوان صح بس يطلع لك خطأ ويقولك العنوان مو صحيح وهذا شيء يصير كثير ويسبب حيرة وعشان تتجاوز هالعقبة وتحل المشكلة الحل بسيط ومباشر: كل اللي عليك هو تتواصل مع خدمة العملاء في وزارة التجارة، فَوزارة التجارة فاتحة أبوابها لكم عبر عدة قنوات تواصل متنوعة تسهل عليكم الأمر وتخليكم تحلون المشكلة بكل يسر وسهولة وهنا نجي للخطوات العملية اللي تقدر تتبعها :
- أول شيء بتقدر تتواصل مع وزارة التجارة عن طريق الهاتف على رقم مركز خدمة الأعمال اللي هو 920000667 يعني مباشرة تكلمهم وتشرح لهم وضعك.
- بالنسبة لمواعيد العمل وزارة التجارة مفتوحة من يوم الأحد إلى يوم الخميس يعني تقدر تتواصل معاهم طول هالأيام والدوام يبدأ من الساعة 8 الصبح ويستمر حتى الساعة 4 المساء فترة كافية تقدر تلاقي فيها حل لمشكلتك.
- ولو تحب تتواصل عن طريق البريد الإلكتروني فعندك الإيميل الرسمي لمركز خدمة العملاء وهو [email protected] يعني ترسل لهم رسالة بكل تفاصيل مشكلتك وهم بيتواصلون معاك ليلاقوا لك حل.
